پاکستان گندم کی پیداوار کے لحاظ سے دنیا کے ٹاپ 6ممالک میں شامل ہے۔گزشتہ سال بہتر موسمی حالات،ایوب زرعی تحقیقاتی ا دارہ فیصل آباد کے سائنسدانوں کی متعارف کردہ گندم کی نئی اقسام،جدید پیداواری ٹیکنالوجی اور کاشتکاروں کی بھرپور محنت سے گندم کی31.8ملین ٹن ریکارڈ پیداوارحاصل ہوئی۔امسال پنجاب میں 1کروڑ 62لاکھ ایکڑ پر گندم کاشت کی گئی ہے،حالیہ بارشوں کے بعدمارچ میں موسمی حالات بہتر ہونے کی صورت میں مقررہ ہدف کا حصول ممکن ہوگا۔ڈاکٹر عابدمحمود
فیصل آباد:
پریس ریلیز 25فروری2025 پاکستان گندم کی پیداوار کے لحاظ سے دنیا کے ٹاپ 6ممالک میں شامل ہے۔گزشتہ سال بہتر موسمی حالات،ایوب زرعی تحقیقاتی ا دارہ فیصل آباد کے سائنسدانوں کی متعارف کردہ گندم کی نئی اقسام،جدید پیداواری ٹیکنالوجی اور کاشتکاروں کی بھرپور محنت سے گندم کی31.8ملین ٹن ریکارڈ پیداوارحاصل ہوئی۔امسال پنجاب میں 1کروڑ 62لاکھ ایکڑ پر گندم کاشت کی گئی ہے،حالیہ بارشوں کے بعدمارچ میں موسمی حالات بہتر رہنے کی صورت میں مقررہ ہدف کےحصول میں مدد ملے گی ۔
ایوب زرعی تحقیقاتی ادارہ فیصل آبادکے زرعی سائنسدانوں نے اپنی تحقیقی کاوشوں سے مختلف فصلوں بشمول سبزیوں، پھلوں اور چارہ جات کی 710 اقسام متعارف کروائی ہیں۔ان خیالات کا اظہار چیئرمین پارب،پنجاب ڈاکٹر عابد محمودنےچیف سائنٹسٹ شعبہ گندم ڈاکٹر جاوید احمد کے ہمراہ2روزہ بین الاقوامی کانفرنس کے افتتاحی اجلاس میں شریک قومی و بین الاقوا می زرعی ماہرین، محققین اور پالیسی سازوں سے خطاب کرتے ہوئے کیا۔ا س بین الاقوامی کانفرنس میں پاکستان کے علاوہ آسٹریلیا،میکسیکو،مصر،ترکی،لیبیا،تیونس، ازبکستان،قازقستان،افغانستان اورعراق کے زرعی ماہرین و سائنسدانوں نےشرکت کی۔
ایوب زرعی تحقیقاتی ادارہ فیصل آباد کے شعبہ گندم کے تحت ماحولیاتی تبدیلیوں کے چیلینجز سے نبرد آزما ہونے اور فوڈ سیکیورٹی کے حصول کے متعلق 2 روزہ بین الاقوامی کانفرنس کا آغاز ہوگیا۔ اس کانفرنس میں زرعی ماہرین، محققین اور پالیسی سازوں نے ایک پلیٹ فارم پر جمع ہو کر گندم کی پیداوار میں اضافہ کودرپیش چیلنجزپر تفصیلی تبادلہ خیال کیا۔کانفرنس میں بڑھتے ہوئے درجہ حرارت، پانی کی کمی، موسمیاتی غیر یقینی صورتحال اورگندم کی فصل کو ہونے والے نقصانات کے مسائل اور ان کے حل کیلئے مشترکہ کاوشوں کی اہمیت پر زور دیا۔ڈائریکٹر پی بی آئی، یونیورسٹی آف سڈنی،آسٹریلیا،ڈاکٹر رچرڈ ٹریتھ وان نے کانفرنس میں اظہار خیال کرتے ہوئے بتایا کہ گندم دنیا کے بیشتر ممالک کی اہم فصل ہے۔انہوں نےکانفرنس کے شرکا ٰء کےہمراہ ایوب زرعی تحقیقاتی ادارہ فیصل آباد کےشعبہ گندم کےفیلڈمیں ریسرچ ٹرائل کا معائنہ کرتےہوئےزرعی سائنسدانوں کےتحقیقی کام کی تعریف کی۔
انہوں نےپاکستان میں کم پانی کےاستعمال سےزیادہ درجہ حرارت برداشت کرنےاور ہائی زنک کی حامل اقسام متعارف کروانےپر ڈاکٹرجاوید احمد کی قیادت میں زرعی سائنسدانوں کی کاوشوں کو سراہا۔پروجیکٹ ڈائریکٹر آئی او ایف ایس قازقستان،پروفیسر ڈاکٹر ذوالفقارعلی نے اظہار خیال کرتے ہوئے بتایا کہ اس کانفرنس کے انعقاد سے گندم پیدا کرنے والے اہم ممالک کے زرعی سائنسدانوں میں مشترکہ تحقیقی کاوشوں میں جدت کی راہ ہموار ہوگی۔وائس چانسلرغازی یونیورسٹی ڈی جی خان، پروفیسرڈاکٹر اشفاق احمد،وائس چانسلرمحمد نواز شریف زرعی یونیورسٹی ملتان پروفیسر اشتیاق احمداور ڈائریکٹر گلوبل ویٹ پروگرام (سمٹ)کیون پکسلے سمیت زرعی ماہرین و سائنسدانوں کی کثیر تعداد نے شرکت کی۔