پنجاب میں 1,500 زرعی گریجویٹس کے لیے انٹرن شپ سیکم

وزیراعلیٰ پنجاب مریم نواز شریف کے زرعی اصلاحاتی پروگرام کے تحت صوبے کے نوجوان زرعی گریجویٹس کے لیے انٹرن شپ اسکیم کا اعلان کر دیا گیا ہے۔ اسکیم کے تحت پنجاب کے مختلف اضلاع سے مجموعی طور پر 1,500 زرعی گریجویٹس منتخب کیے جائیں گے، جنہیں 70 ہزار روپے ماہانہ وظیفہ دیا جائے گا۔

محکمہ زراعت پنجاب کے جاری کردہ اشتہار کے مطابق اس پروگرام کا مقصد نوجوان زرعی ماہرین کو عملی تربیت فراہم کرنا، کسانوں تک جدید زرعی معلومات پہنچانا اور محکمہ زراعت کی فیلڈ سرگرمیوں کو مزید مؤثر بنانا ہے۔

کون درخواست دے سکتا ہے؟

اس انٹرن شپ کے لیے امیدوار کے پاس بی ایس سی آنرز ایگریکلچر کی ڈگری ہونا ضروری ہے۔

درخواست جمع کرانے کی آخری تاریخ تک امیدوار کی عمر 27 سال سے زیادہ نہیں ہونی چاہیے۔ امیدوار کے پاس اس ضلع کا ڈومیسائل ہونا لازمی ہے جس کے کوٹے کے تحت وہ درخواست دے رہا ہے۔

پوسٹر میں واضح کیا گیا ہے کہ گزشتہ سال اس انٹرن شپ اسکیم سے فائدہ اٹھانے والے امیدوار دوبارہ انتخاب کے اہل نہیں ہوں گے۔

ماہانہ وظیفہ اور نشستوں کی تعداد

پروگرام کے تحت پنجاب بھر میں 1,500 انٹرنیز بھرتی کیے جائیں گے۔ ہر منتخب امیدوار کو انٹرن شپ کی مدت کے دوران 70,000 روپے ماہانہ وظیفہ دیا جائے گا۔

درخواست دینے کا طریقہ

امیدوار درخواست فارم اور پروگرام کی تفصیلات محکمہ زراعت پنجاب کی سرکاری ویب سائٹ سے حاصل کر سکتے ہیں۔

www.agripunjab.gov.pk

مکمل درخواست فارم متعلقہ ضلع کے ڈپٹی ڈائریکٹر زراعت توسیع کے دفتر میں جمع کرانا ہوگا۔ درخواست فارم متعلقہ ڈپٹی ڈائریکٹر یا اسسٹنٹ ڈائریکٹر زراعت توسیع کے دفتر سے بھی حاصل کیا جا سکتا ہے۔

درخواست کی آخری تاریخ

درخواستیں جمع کرانے کی آخری تاریخ:

30 جولائی 2026

امیدواروں کو مشورہ دیا گیا ہے کہ وہ درخواست جمع کرانے سے پہلے اپنی تعلیمی اسناد، شناختی کارڈ، ڈومیسائل اور دیگر مطلوبہ دستاویزات مکمل کر لیں۔

اضلاع کے کوٹے کی درست تفصیل

ضلع	انٹرنیز کی تعداد	ضلع	انٹرنیز کی تعداد
اٹک	24	منڈی بہاؤالدین	30
بہاولنگر	86	لیہ	58
بہاولپور	63	لودھراں	33
بھکر	62	میانوالی	35
چکوال	24	ملتان	39
چنیوٹ	29	مظفرگڑھ	59
ڈیرہ غازی خان	47	ننکانہ صاحب	26
فیصل آباد	56	نارووال	25
گوجرانوالہ	45	اوکاڑہ	46
حافظ آباد	28	راولپنڈی	16
جھنگ	69	ساہیوال	33
جہلم	12	سرگودھا	56
قصور	42	سیالکوٹ	36
خانیوال	45	شیخوپورہ	46
خوشاب	49	وہاڑی	48
لاہور	13	رحیم یار خان	93
ٹوبہ ٹیک سنگھ	32	راجن پور	38
پاکپتن	33	گجرات	24